ოტია იოსელიანის სახელობის წყალტუბოს N1 საჯარო სკოლაში პედაგოგები, მოსწავლეებს საინტერესო და მრავალფეროვან გაკვეთილებს სთავაზობენ.
ამჯერად, სკოლის IIIა კლასში, კლასის საათი - „თამარ შვიდმნათობიერი“ ჩატარდა.
„სკოლაში, დილიდანვე ააფრიალეს თამარის დროინდელი დროშა. საამაყოა ის ფაქტი, რომ როდესაც მსოფლიოს ზოგიერთ ქვეყანაში ქალები ჯერ კიდევ თავიანთი უფლებებისთვის იბრძვიან და პრობლემაა სახელმწიფოს მეთაურად ქალის არჩევა, საქართველოში, ეს ჯერ კიდევ XII საუკუნეში გახდა შესაძლებელი“, - გვიყვებიან სკოლაში.
მოსწავლეებმა აღნიშნულ დღეს, თამარ მეფის ეპოქასა და მის ღვაწლზე, ინფორმაციები მოიძიეს, წაიკითხეს ლექსები, გაიხსენეს ლეგენდები და მოისმინეს თამარის ანდერძი.
აქტივობებში მოსწავლეები დიდი მონდომებითა და ინტერესით ჩაერთნენ.
აღსანიშნავია, რომ მსგავსი გაკვეთილები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
