კალისტრატე სალიას სახელობის წალენჯიხის მუნიციპალიტეტის ჯგალის თემის საჯარო სკოლაში ეკოლოგიურ საკითხებზე მოსწავლეთა ცნობიერების ამაღლებას დიდი ყურადღება ეთმობა.
ამ მიზნით, სკოლაში დედამიწის დღე განსაკუთრებულად აღინიშნა.
გარემოსდაცვით დღესასწაულთან დაკავშირებით მათემატიკის მასწავლებლის - ნატალია შანავას მოსწავლეებმა განახორციელეს პროექტი - „ჩვენ გვიყვარს გარემო და დავიცავთ მას!“.
ღონისძიება შემდეგი ეტაპებისგან შედგებოდა:
თემატური პრეზენტაციები - მოსწავლეებმა, ამ დღის დაარსებასთან და ეკოლოგიურ საკითხებთან დაკავშირებით, საინტერესო ინფორმაციები მოიძიეს და სასკოლო საზოგადოებას წარუდგინეს.
ბუკლეტების დარიგება სხვადასხვა ობიექტებში - ეს აქტივობა მოსახლეობის სრულ ინფორმირებას ისახავდა მიზნად.
სკოლის სკვერის გამწვანება და გალამაზება - მოსწავლეებმა, სასწავლო სივრცისთვის ჯანსაღი გარემოს შექმნაში თავიანთი წვლილი შეიტანეს.
როგორც სკოლაში გვიყვებიან, მოსწავლეებმა ამ პროექტით ხალხს უთხრეს, რომ ბუნება უყვართ და დაიცავენ მას!
იხილეთ ფოტოები:
