ოზურგეთის მუნიციპალიტეტის დაბა ნასაკირალის საჯარო სკოლაში მოსწავლეთა შემოქმედებითი უნარების წარმოჩენასა და მათ განვითარებას მნიშვნელოვანი ყურადღება ექცევა. სწორედ ამიტომ. სკოლაში მოსწავლეთა ჩართულობით, საინტერესო ღონისძიებები და აქტივობები ტარდება.
ამჯერად, სკოლაში პოეზიის საღამო - „უსიყვარულოდ მზე არ სუფევს ცის კამარაზე“ გაიმართა.
მე-10 კლასის მოსწავლეებმა შემოქმედებითი ნიჭი და შესაძლებლობები შესანიშნავად წარმოაჩინეს.
მათ იცეკვეს, ლექსები წაიკითხეს და დამსწრე საზოგადოება დადებითი ემოციებით დამუხტეს.
„მეათეკლასელებმა დამსწრე საზოგადოებისათვის სულის სილამაზის, ერთგულებისა და სიყვარულის ცეცხლი დაანთეს“, - აღნიშნავენ სკოლაში.
პოეზიის საღამოს, მუსიკალურად და ქორეოგრაფიულად აფორმებდნენ - მუსიკის მასწავლებელი - თინა ღლონტი და ქორეოგრაფი - ზურა წულაძე.
პოეზიის საღამოს ორგანიზატორი კი კლასის დამრიგებლის თეონა ძირკვაძე გახლდათ.
აღსანიშნავია, რომ მსგავსი ღონისძიებები მოსწავლეთა მრავალმხრივ განვითარებასა და მოტივაციის ამაღლებას უწყობს ხელს.
იხილეთ ფოტოები:
