ახმეტის მუნიციპალიტეტის სოფელ მატნის N1 საჯარო სკოლის XI კლასის მოსწავლეები წელს პირველად სწავლობენ საგანს - მეწარმეობა.
საგნის მასწავლებელი ნელი ტერტერაშვილი გახლავთ, რომელიც მოსწავლეებს მეტად საინტერესო სასწავლო პროცესს სთავაზობს.
სკოლაში ასევე შექმნილია სამეწარმეო კლუბი - „GROOT 360“.
როგორც სკოლაში გვეუბნებიან, მცირე დროის მიუხედავად, მოსწავლეებმა არაერთ აქტივობაში მიიღეს მონაწილეობა.
2023 წელს კლუბის წევრები Junior Achievement Georgia-ს ინიცირებულ ინოვაციების ბანაკში მონაწილეობის მისაღებად შეირჩნენ. მოსწავლეებმა ბევრი ახალი შეიმეცნეს და თვალსაწიერი გაიფართოვეს, ბოლოს კი მიღწეულისთვის პლანშეტებით, სმარტ საათებითა და სერტიფიკატებით დაჯილდოვდნენ.
იხილეთ ფოტო-ვიდეომასალა:
