გორის მუნიციპალიტეტის სოფელ ზერტის საჯარო სკოლის მოსწავლეები სხვადასხვა სახის კონკურსში აქტიურად მონაწილეობენ, სადაც წარმატებას აღწევენ.
ამჯერად, მოსწავლეები გორის მუნიციპალიტეტის გენდერული თანასწორობის საბჭოს ინიციატივით გამოცხადებულ თხრობითი ნაწარმოების კონკურსში - „პროფესია გენდერის გარეშე“ მონაწილეობდნენ.
„გენდერული თანასწორობის საბჭოს, ევროკავშირის სადამკვირვებლო მისიის გორის ოფისისა და საგანმანათლებლო რესურსცენტრის აქტიური თანამშრომლობით გამოიცა ბროშურა ამავე სათაურით, რომელშიც განთავსდა გამარჯვებულ მოსწავლეთა შესრულებული ნაშრომები“, - აღნიშნავენ სკოლაში.
მათ შორის სკოლის ორი მოსწავლის: ანა იჩქითისა (IX კლასი) და გიორგი ღაძაძის (XII კლასი) ნამუშევრები იყო.
სკოლასა და მოსწავლეებს აქტიური მონაწილეობისთვის გადაეცათ მადლობის სიგელები, ბროშურები და ევროსაბჭოს მისიის საჩუქრები.
„ვულოცავთ მოსწავლეებს და მათ პედაგოგებს: ქალბატონ მარინე მაზანაშვილს და ქალბატონ ცირა ტერტერაშვილს ვუსურვებთ კვლავ წარმატებებს!“, - აღნიშნავენ სკოლაში.
სკოლა მოსწავლეთა წარმატებას მუდმივად მხარს უჭერს.
იხილეთ ფოტოები:
