ტყიბულის მუნიციპალიტეტის სოფელ გელათის საჯარო სკოლაში მოსწავლეთა ცოდნის გაღრმავებისა და მოტივაციის ამაღლების მიზნით, საინტერესო პროექტები და ინტელექტუალური შეჯიბრებები ტარდება.
ამჯერად, სკოლაში, იაგო ჭურაძის სახელობის ინტელექტუალურ-შემეცნებითი თამაში: „რა? სად? როდის?“ გაიმართა.
ტურნირში, ტყიბულის მუნიციპალიტეტის სოფელ გელათის, კურსების, ორპირის, ცუცხვათის საჯარო სკოლების მოსწავლეთა 12 გუნდი მონაწილეობდა.
„სკოლაში მიწვეულნი იყვნენ საპატიო სტუმრები: ტყიბულის საგანმანათლებლო რესურსცენტრის თანამშრომლები: ქალბატონები: ირინე კორძაია, ნანა შარვაძე, იაგოს ბიძა - ბატონი იუზა ვაშაყმაძე, სკოლების დირექტორები: ქალბატონები - თამარი ზარნაძე და ირინე ბერეკაშვილი, ბატონი დავით კუპრაშვილი“, - აღნიშნავენ სკოლაში.
თამაშს უძღვებოდნენ: ზაალ ხონელიძე, შალვა ბუაძე.
როგორც სკოლაში გვიყვებიან, ტურნირში პირველობა არავის დაუთმეს გელათის საჯარო სკოლის მოსწავლეებმა (გელათი #2), მეორე და მესამე ადგილებზე კი ორპირის საჯარო სკოლის ორი გუნდი გავიდა.
ყველა მონაწილე დაჯილდოვდა სიგელებით, სკოლები - სიმბოლური საჩუქრებით, ხოლო გამარჯვებულები - გარდამავალი პრიზით.
„სკოლის ადმინისტრაცია მადლობას უხდის ღონისძიების ორგანიზატორებს, ყველა მონაწილეს, სტუმარს, გულშემატკივარს. იაგო ჭურაძის სულის უკვდავსაყოფად ინტელექტუალურ-შემეცნებითი თამაში ყოველ წელს გაიმართება“, - გვიყვებიან სკოლაში.
სკოლის დირექტორი - გიორგი ავალიანი გახლავთ.
აღსანიშნავია, რომ სკოლა მოსწავლეთა წარმატებას მხარს უჭერს.
იხილეთ ფოტოები:
