„დედამიწა ჩვენი სახლია“ - კორტოხის საჯარო სკოლის მოსწავლეები გარემოს დაცვის სადარაჯოზე
11-05-2023
ხულოს მუნიციპალიტეტის სოფელ კორტოხის საჯარო სკოლაში მოსწავლეთა ეკოცნობიერების ამაღლებასა და მათში გარემოსდაცვითი პასუხისმგებლობის გააზრებას დიდი მნიშვნელობა ენიჭება.
სწორედ ამ მიზნით სკოლაში, დედამიწის დღესთან დაკავშირებით, სასკოლო აქტივობები ჩატარდა.
აქტივობის დევიზი - „დედამიწა ჩვენი სახლია“, გახლავთ.
აღსანიშნავია, რომ აქტივობა ბიოლოგიის პედაგოგის მარინე პაქსაძის ხელმძღვანელობით გაიმართა, მოსწავლეებმა ისაუბრეს ეკოლოგიურ საკითხებზე, აღნიშნეს თუ რამდენად მნიშვნელოვანია გარემოს დაცვა და მასზე ზრუნვა.
სკოლაში, ასევე განხორციელდა აქცია - „დარგე ხე გადაარჩინე დედაბუნება“. აქციის ფარგლებში, მოსწავლეებმა დარგეს ხეები და გარემოს გამწვანებას ხელი შეუწყვეს.
„მადლობა და წარმატებები თითოეულ მონაწილეს“,- აღნიშნავენ სკოლაში.
იხილეთ ფოტოები:
სკოლების სიახლეები
