ლაგოდეხის მუნიციპალიტეტის სოფელ ცოდნისკარის საჯარო სკოლის მოსწავლეებს პედაგოგები მოტივაციისა და ცოდნის ამაღლების მიზნით, საინტერესო პროექტებსა და მრავალფეროვან გასვლით გაკვეთილებს სთავაზობენ.
ამჯერად, სკოლაში მე და საზოგადოების გაკვეთილზე, პროექტი - „საზღვარი ჩემი ქვეყნის ზღურბლია“ განხორციელდა.
პროექტის ფარგლებში, მეოთხეკლასელები საქართველო აზერბაიჯანის საზღვრის ახლომდებარე ტერიტორიაზე იმყოფებოდნენ.
„მათ დაათვალიერეს სასაზღვრო პუნქტი და გაეცნენ იმ პროცედურებს, რასაც საზღვრის გადაკვეთის დროს გადის ადამიანი“, - აღნიშნავენ სკოლაში.
აქტივობა ძალიან საინტერესო, დასამახსოვრებელი, ემოციებით დატვირთული იყო მოსწავლეთათვის.
საგნის მასწავლებელი - ლალი გელაშვილი, ხოლო კლასის ხელმძღვანელი - დარეჯან ბარბაქაძე გახლდათ.
აღსანიშნავია, რომ მსგავსი პროექტები და გაკვეთილები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
