ოზურგეთის მუნიციპალიტეტის სოფელ ზემო ნატანების საჯარო სკოლაში სასწავლო წელი აქტიურად მიმდინარეობს. პედაგოგების ხელმძღვანელობით მოსწავლეები სხვადასხვა პროექტსა და აქტივობაში მონდომებით ერთვებიან.
ამჯერად, მოსწავლეებმა საინტერესო პროექტი განახორციელეს, რომლის ფარგლებში, მშობლიური კუთხის წეს-ჩვეულებები, ცხოვრების წესი შეისწავლეს და როგორც სკოლაში გვიყვებიან, ნიჭიერი, ხელოვანი გურულების შესახებ საინტერესო ინფორმაციებს გაეცნენ.
როგორც სკოლაში გვიყვებიან, მე-6, მე-7 და მე-8 კლასების მოსწავლეებმა ხელოვნების არაერთ სფეროში წარმოაჩინეს თავიანთი შესაძლებლობები.
„პროექტმა დიდი ინტერესი გამოიწვია. ხელმძღვანელებმა - ლია დუმბაძემ და ლენა შველიძემ, პროექტის დასასრულს წარმოადგინეს ღონისძიება - „მთებში მიქარგ-მოქარგული“ ჩემი პატარა გური“, - გვიყვებიან სკოლაში.
ღონისძიებას მოსწავლეთა მშობლები და თემის წარმომადგენლები ესწრებოდნენ.
აღსანიშნავია, რომ მსგავსი ღონისძიებები და პროექტები მოსწავლეთა მრავალმხრივ განვითარებას ხელს უწყობს.
იხილეთ ფოტოები:
