ჩოხატაურის მუნიციპალიტეტის სოფელ შუასურების საჯარო სკოლაში სასწავლო წელი აქტიურად მიმდინარეობს. მოსწავლეები მასწავლებელთა ხელმძღვანელობით, სხვადასხვა მნიშვნელოვან მოვლენასა და თარიღს აქტიურად აღნიშნავენ.
ამჯერად, სკოლაში დედამიწის დღისადმი მიძღვნილი ღონისძიება - „ჩრდილებდასმული პირმზითი“ ჩატარდა.
როგორც სკოლაში გვიყვებიან, ღონისძიება მრავალფეროვან აქტივობებს მოიცავდა - პრეზენტაციას კითხვა-პასუხის რეჟიმში, ჯგუფურ მუშაობასა და დისკუსიას მონაცვლეობით.
„ღონისძიება მხიარულად, მუსიკის ფონზე დასრულდა, მოსწავლეებმა მიულოცეს დაბადების დღე დედამიწას, ქართულ და ინგლისურ ენაზე“, - აღნიშნავენ სკოლაში.
აქტივობაში მოსწავლეები დიდი მონდომებით, ინტერესითა და ხალისით ჩაერთნენ.
როგორც სკოლაში ამბობენ, ღონისძიების მიზანი იყო მოქალაქეობრივი თვითშეგნების ამაღლება.
„მრავალფეროვანი სასწავლო აქტივობებით ღონისძიება საინტერესოდ წარიმართა და შესაბამისად, მიზანსაც მივაღწიეთ“, - აღნიშნავენ სკოლაში.
ღონისძიების ორგანიზატორი საბუნებისმეტყველო კათედრის ხელმძღვანელი - ნინო ყარაჯაშვილი გახლდათ, ასევე მასში ჩართული იყვნენ ქართულის, გეოგრაფიისა და ისტ-ის მასწავლებლები.
დედამიწის დღე ყოველწლიურად, 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები.
იხილეთ ფოტოები:
