ილია ჭავჭავაძის სახელობის ქალაქ ახალქალაქის N3 საჯარო სკოლაში სასწავლო პროცესი მრავალფეროვანი აქტივობებითაა დატვირთული, რაც მოსწავლეთა მოტივაციასა და სწავლის სურვილზე დადებითად აისახება.
ამჯერად, დედაენის დღესთან დაკავშირებით, მე-8 კლასის მოსწავლეებს ლექცია ჩაუტარდათ. მას სამცხე-ჯავახეთის სახელმწიფო უნივერსიტეტის მიწვეული სპეციალისტი, ფილოლოგიის დოქტორი - სოფიო გვარამაძე უძღვებოდა.
მოსწავლეებმა ამ დღის მნიშვნელობის, ანბანის ისტორიისა და ქართული ენის სიწმინდის დაცვის მნიშვნელობის შესახებ დეტალური ინფორმაცია მიიღეს, მათ კითხვებიც დასვეს, შეხვედრა დიალოგის რეჟიმში წარიმართა. მისი ორგანიზატორი მე-8 კლასის დამრიგებლი სოფიო ნიშნიანიძე იყო.
„შეხვედრა გაიმართა სჯსუ-თან (სამცხე-ჯავახეთის სახელმწიფო უნივერსიტეტი) გაფორმებული მემორანდუმის ფარგლებში. მისი ორგანიზებისათვის მადლობას ვუხდით უნივერსიტეტსა და ქალბატონ სოფიოს“,- აღნიშნავენ სკოლაში.
იხილეთ ფოტოები:
