მცხეთის მუნიციპალიტეტის სოფელ გალავნის საჯარო სკოლის მოსწავლეებმა,  ქართული ენისა და ლიტერატურის მასწავლებლის - ხატია კობაიძის ხელმძღვანელობით, ქართველი ერის საგანძური - „ვეფხისტყაოსანი ხალისით შეისწავლეს. 

მე-10 კლასის მოსწავლეებმა პოემის სწავლა შემაჯამებელი პრეზენტაციებით დაასრულეს.

მოსწავლეებმა წყვილებში იმუშავეს სტატიებზე, სიღრმისეულად დაამუშავეს, გამოიკვლიეს და შეისწავლეს საკითხები,  შემდეგ კი სასკოლო საზოგადოებას წარუდგინეს შემდეგი თემები:

• შოთა რუსთაველის პოემის სათაურის სახისმეტყველება;
• ფერთა სიმბოლიკა „ვეფხისტყაოსანში“;
• „ვეფხისტყაოსნის“ 5 ქალაქის სემიოტიკა;
• ძვირფასი ქვებისა და ლითომების სიმბოლიკა „ვეფხისტყაოსანში“;
• ზღაპრული პერსონაჟები „ვეფხისტყაოსანში“ და მათი მხატვრული ფუნქცია;
• „დაძმობილების მოტივი „ვეფხისტყაოსანში“;
• ორი მზე  „ვეფხისტყაოსანში“;
• „ლეკვი ლომისა სწორია, ძუ იყოს თუნდა ხვადია“.

მოსწავლეებმა ცოდნა და ტექნიკური უნარები წარმოაჩინეს და სასკოლო საზოგადოების მოწონება დაიმსახურეს.

იხილეთ ფოტოები: