აფხაზეთის N14 საჯარო სკოლის მე-4 და მე-6 კლასის მოსწავლეებმა ქართულსა და მათემატიკაში სადიაგნოსტიკო ტესტირება გაიარეს.
ტესტირება პროექტის - „შეფასება განვითარებისთვის“ ფარგლებში გაიმართა.
ტესტირება სკოლის შერჩეულმა პასუხისმგებელმა პირმა მათემატიკისა და ისტ-ს მასწავლებელმა ნანა ქირიამ ჩაატარა. პროცესი ელექტრონულად, კომპიუტერისა და ინტერნეტის გამოყენებით მიმდინარეობდა.
ტესტირებებმა წარმატებით ჩაიარა. სკოლის დირექცია მადლობას უხდის ნანა მასწავლებელს გაწეული მუშაობისთვის.
როგორც სკოლაში ამბობენ, ტესტირება მიზნად ისახავდა მოსწავლეთა მიღწევების შეფასებას ეროვნული სასწავლო გეგმასთან მიმართებაში. ამ ტესტირებას მხოლოდ არსებულის მიღწევების შეფასების ფუნქცია აქვს. შეფასება მოსწავლეს დაეხმარება, რომ საკუთარი წარმატება/წარუმატებლობა გაიზიაროს. ასევე ნახოს, თუ რა არის მისი ძლიერი და სუსტი მხარეები. სკოლას ხელს უწყობს დააკვირდეს სწავლა-სწავლების ტენდენციებს კლასისა და სკოლის დონეზე.
იხილეთ ფოტოები:
