გალავნის საჯარო სკოლის მოსწავლეები ინგლისურენოვან კონკურსში მონაწილეობისთვის დაჯილდოვდნენ
08-05-2023
მცხეთის მუნიციპალიტეტის სოფელ გალავნის საჯარო სკოლა არაერთ საინტერესო და შემეცნებით პროექტში ერთვება.
ამჯერად სკოლის მოსწავლეებმა მასშტაბურ კონკურსში - „სააღდგომო ტრადიციები“, მიიღეს მონაწილეობა.
აღსანიშნავია, რომ კონკურსი English Book Education-მა Macmillan Education-თან ერთად ინგლისური ენის პედაგოგებს შესთავაზა. მე-6ა კლასის მოსწავლეებმა, გაკვეთილზე პოსტერები შექმნეს და სასკოლო საზოგადოებაში პრეზენტაციები წარადგინეს.
კონკურსში მონაწილეობდა 300-მდე სკოლა, სადაც ერთ-ერთი გამარჯვებული გალავნის საჯარო სკოლა გახდა.
აღსანიშნავია, რომ ინგლისური ენის მასწავლებელი მარიამ გუბელაძე გახლდათ.
როგორც სკოლაში გვიყვებიან, მასწავლებელს და მოსწავლეებს სერტიფიკატები გადაეცათ.
იხილეთ ფოტოები:
სკოლების სიახლეები
