სენაკის მუნიციპალიტეტის სოფელ ეკის საჯარო სკოლის მოსწავლეები სხვადასხვა პროექტსა და აქტივობაში მონდომებით ერთვებიან.
ამჯერად, სკოლაში საგანმანათლებლო პროექტის ფარგლებში, იოანე ნათლისმცემლის სახელობის ეკლესია-მონასტრის კომპლექტის დათვალიერება დაიგეგმა.
როგორც სკოლაში გვიყვებიან, პროექტის მიზანი იყო, მოსწავლეები გაცნობოდნენ თავიანთი სოფლის ღირსშესანიშნაობებს და დამსწრე საზოგადოებისათვის გიდობა გაეწიათ.
„პროექტის ფარგლებში, მათემატიკის, გეოგრაფიისა და გერმანული ენის საგნებთან ინტეგირება მოხდა“, - გვიყვებიან სკოლაში.
როგორც სკოლაში აღნიშნავენ, დაგეგმილი ღონისძიება წარმატებით ჩატარდა.
დღის ბოლოს მოსწავლეებმა თავიანთი სურვილით ეკლესია-მონასტრის ეზო დაასუფთავეს.
„მოსწავლეებს განუვითარდათ 21-ე საუკუნის უნარები, აიმაღლეს ცნობიერება და გააკეთეს კეთილი საქმე“, - აღნიშნავენ სკოლაში.
პროექტს ხელმძღვანელობდა: მათემატიკის მასწავლებელი - ხათუნა ფირხცალავა. ასევე პროექტში ჩართულნი იყვნენ: გეოგრაფიის მასწავლებელი - ლელა სიჭინავა, გერმანული ენის მასწავლებელი - ნანა ცხვიტავა და სკოლის საბაზო საფეხურის მოსწავლეები.
აღსანიშნავია, რომ მსგავსი პროექტები მოსწავლეთა მოტივაციის ამაღლებისა და განვითარებისთვის მნიშვნელოვანია.
იხილეთ ფოტოები:
