ხელვაჩაურის მუნიციპალიტეტის სოფელ განთიადის საჯარო სკოლის მოსწავლეები სხვადასხვა საგანმანათლებლო პროექტსა და აქტივობაში მონდომებით ერთვებიან. ისინი ასევე მასწავლებელთა ხელმძღვანელობით, საინტერესო გასვლით გაკვეთილებს აწყობენ.
ამჯერად, სკოლის მე-2 კლასის მოსწავლეები, ხარიტონ ახვლედიანის სახელობის მუზეუმს ეწვივნენ და საგანმანათლებლო პროგრამაში - „ვიმოგზაუროთ მუზეუმის ლაბირინთებში“ მონაწილეობდნენ.
„პატარებს კეთილგანწყობილი გარემო დახვდათ, ბევრი სიახლე გაიგეს, ისინი აქტიურად იყვნენ ჩართულნი პროგრამაში“, - გვიყვებიან სკოლაში.
როგორც სკოლაში აღნიშნავენ, ისინი მუზეუმის თანამშრომლის კითხვებს მონდომებით პასუხობდნენ, იცავდნენ ქცევის წესებს და მასწავლებლის - ქეთი ზოიძის წინასწარ მომზადებულ ინფორმაციებს კარგად გადმოსცემდნენ.
„მუზეუმმა ისინი ქების სიგელით დააჯილდოვა და სხვა პროგრამებზეც სიხარულით მიიპატიჟა“, - გვეუბნებიან სკოლაში.
აღსანიშნავია, რომ მსგავსი პროგრამები და გასვლითი გაკვეთილები მოსწავლეებს საჭირო ცოდნას სძენს, რაზეც სკოლა ზრუნავს.
იხილეთ ფოტოები:
