ხაშურის N7 საჯარო სკოლაში მოსწავლეთა წიგნიერების დონის ამაღლებას მნიშვნელოვანი ყურადღება ექცევა. სწორედ ამიტომ, მოსწავლეები სხვადასხვა საგანმანათლებლო და შემეცნებითი სახის ღონისძიებებში აქტიურად მონაწილეობენ.
ამჯერად, ბავშვები ყველასათვის საყვარელ საბავშვო მწერლებს - ლელა ცუცქირიძესა და ირმა მალაციძეს შეხვდნენ. შეხვედრა ხაშურის ცენტრალურ ბიბლიოთეკაში მოეწყო.
მოსწავლეებმა ბიბლიოთეკაში სპექტაკლი გაითამაშეს, სადაც გააცოცხლეს „სატკბილეთის ქვეყნის“ „ატუსა და მატუსას“, „ფრის“, „მხიარული ოჯახის“ - მცირე ფრაგმენტები.
ღონისძიების ორგანიზატორები: მუსიკის მასწავლებელი - ნონა ტეფნაძე და ქართული ენისა და ლიტერატურის მასწავლებელი - ლია მეტივიშვილი იყვნენ.
„მადლობა ბიბლიოთეკის ხელმძღვანელს, საუკეთესო პიროვნებასა და გულთბილ მასპინძელს - ქალბატონ კლარა გელაშვილს“, - აღნიშნავენ სკოლაში.
აღსანიშნავია, რომ მსგავსი აქტივობები და შეხვედრები მოსწავლეთა მოტივაციისა და ცოდნის ამაღლებისთვის მნიშვნელოვანია.
იხილეთ ფოტოები:
