ახალქალაქის მუნიციპალიტეტის სოფელ კოჩიოს საჯარო სკოლაში მრავალმხრივ ნიჭიერი მოსწავლეები სწავლობენ. ისინი შემოქმედებითი ნიჭითა და უნარებით გამოირჩევიან.
ერთ-ერთი ასეთი მოსწავლეა ნიჭიერი მხატვარი - ველი მიქაელიანი. მან თავისი შემოქმედებითი უნარები წარმოაჩინა და სკოლის კედელი ლამაზად მოხატა.
„ყოველთვის მშვენიერია, როდესაც ხელოვანებს შეუძლიათ გამოიყენონ თავიანთი ნიჭი საჯარო სივრცეების გასალამაზებლად - ჩვენი ველი მიქაელიანი უნიჭიერესი მხატვარია, მან დიდი სამუშაო შეასრულა, ამიერიდან ველიხანის წყალობით, ჩვენი სკოლა უფრო ლამაზად გამოიყურება“, - აღნიშნავენ სკოლაში.
სასკოლო საზოგადოება სკოლის დირექტორს - არტურ ბალასანიანს დახმარებისა და გვერდით დგომისთვის მადლობას მოახსენებს.
აღსანიშნავია, რომ სკოლაში მოსწავლეთა შემოქმედებითი ხედვისა და უნარების წარმოჩენას მნიშვნელოვანი ყურადღება ექცევა.
იხილეთ ფოტოები:
