საერთაშორისო აქცია 18 აპრილიდან – 28 აპრილამდე მიმდინარეობდა, რომელშიც მსოფლიოს სხვადასხვა სკოლების მოსწავლეები და მასწავლებლები აქტიურად მონაწილეობდნენ.
ჩხორიის საჯარო სკოლაში, განხორციელდა შემდეგი აქტივობები:
- ქმედება 1 - თქვით უარი დღის განმავლობაში ხორცის ჭამაზე!
აქტივობა ოჯახის წევრებთან ერთად სახლში გააგრძელეს, ვეგეტარიანული კერძები მოამზადეს და სკოლაში საინტერესო რეცეპტები და ფოტოები გააგზავნეს.
- ქმედება 2 - შეამცირეთ ეკოლოგიურად მავნე პროდუქტები!
ამ ქმედების ფარგლებში, სკოლაში მოსწავლეებთან საუბრები მოეწყო, იმის შესახებ, რომ მავნე პროდუქტები, ნივთიერებები და ხსნარები, ხშირად გვხვდება სახლებში ან სკოლაში. ბევრი პროდუქტი, რომელსაც ყოველდღიურად იყენებენ შეიძლება შეიცავდეს გარემოსთვის ან ადამიანის ჯანმრთელობისთვის საზიანო ნივთიერებებს. სკოლაში აღნიშნეს, რომ ყველა მავნე პროდუქტი ეკოლოგიურად სუფთა ალტერნატივებით უნდა ჩანაცვლდეს.
- ქმედება 3 - შეცვალეთ თქვენი წიგნები ახლით ! მოაწყვეთ წიგნების გაცვლა მეგობრებთან, ოჯახთან, კლასელებთან ან თუნდაც მთელ სკოლასთან ერთად!
ამ ქმედების ფარგლებში მოსწავლეებმა, მასწავლებლებმა, მშობლებმა, მეგობრებმა წიგნები გაცვალეს, ასევე მოსწავლეებმა წიგნის სანიშნები დაამზადეს და წიგნის კითხვის დღე მოეწყო.
- ქმედება 4 - ვიყოთ შემოქმედებითები, კრეატიულები და ძველ ნივთებს ვაჩუქოთ ახალი სიცოცხლე და ახალი დიზაინი. ამავე დროს შევამციროთ ახალი ნივთების მოხმარება.
აღნიშნული ქმედების ფარგლებში მოსწავლეებმა მშობლების აქტიური ჩართულობით მეორადი მასალებისგან საინტერესო ნივთები შექმნეს და სკოლის დერეფანში გამოფენა მოაწყვეს.
- ქმედება 5 - დასუფთავების აქცია, ნარჩენების დახარისხება. პიკნიკის მოწყობა.
მოსწავლეთა, მასწავლებელთა და მშობელთა აქტიური ჩართულობით მოეწყო დასუფთავების აქცია, ღონისძიების დასასრულს კი პიკნიკი.
როგორც სკოლაში გვიყვებიან, გლობალური ქმედებების აქციაში აქტიურად ჩართულ მოსწავლეებს, მასწავლებლებს და მშობლებს აქციის ხელმძღვანელისგან სერტიფიკატები გადაეცათ.
იხილეთ ფოტო და ვიდეომასალა:
 (pdf.io).jpg){kind=link}
