ხობის მუნიციპალიტეტის სოფელ ჭალადიდის საჯარო სკოლის ეკოკლუბის წევრები ფოთის ეროვნული პარკის წარმომადგენლებს შეხვდნენ. 

შეხვედრაზე ტრენინგი ჩატარდა, თემებზე: კოლხეთის დაბლობი, ფლორა და ფაუნა, რა საფრთხეების წინაშე დგას ბუნება? რა ღონისძიებები ხორციელდება ამ მხრივ ქვეყანაში და ახალგაზრდობის როლი ამ პრობლემის აღმოსაფხვრელად. 

შეხვედრა, პროექტის - „გადავარჩინოთ დედამიწა“, ფარგლებში განხორციელდა.

შეხვედრის მონაწილეებმა, მოსწავლეების როლზე ისაუბრეს და მოსახლეობის ინფორმირებულობის აუცილებლობა და მნიშვნელობა განსაზღვრეს. 

აღსანიშნავია, რომ ეკოკლუბის კურატორი შორენა მურუსიძე გახლავთ. 

როგორც სკოლაში გვიყვებიან, შეხვედრა ძალინ სასარგებლო და პროდუქტიული აღმოჩნდა მოსწავლეთათვის.