ომარ ასლანიძის სახელობის ქობულეთის მუნიციპალიტეტის სოფელ ჯიხანჯურის საჯარო სკოლამ, ახალი იდეების დანერგვისა და მათი სასკოლო სივრცეში განხორციელების მიზნით, საქმიანი შეხვედრით, საქართველოს განათლებისა და მეცნიერების მოსწავლე-ახალგაზრდობის ცენტრის დამფუძნებელს - რომან კომლაძეს უმასპინძლა.
როგორც სკოლაში გვიყვებიან, დაწყებითი საფეხურის მასწავლებლებთან გაიმართა სამუშაო შეხვედრა, სადაც შეხვედრის მონაწილეებმა დეტალურად განიხილეს დაწყებითი კლასების მოსწავლეებთან განსახორციელებელი საგანმანათლებლო პროექტის - „ასწავლე ახალგაზრდამ მაღალმთიანი რეგიონის ახალგაზრდისთვის“ ფარგლებში დაგეგმილი ღონისძიებები.
დაწყებით საფეხურზე დაიგეგმა და ჩატარდა საინტერესო კლასსაათები. გამოიკვეთა მოსწავლეთა აქტიური ჩართულობა არაფორმალურ განათლებაში. კვირის ბოლოს საქმიანობა შეჯამდა და აღნიშნულ შემეცნებით-საგანმანათლებლო პროექტის წარმატებით განხორციელებასთან დაკავშირებით, პოზიტიური უკუკავშირი გამოიკვეთა.
„მადლობა ყველა მასწავლებელს სტუმრის ხელშეწყობისა და მხარში დგომისათვის. მადლობა: ნათელა გორგილაძეს, თამუნა ბერიძეს,მეგი რომანაძეს, თამარ ვერულიძეს, მანანა შაინიძეს, გულნარა სურმანიძეს და თამილა შავიშვილს“,- აღნიშნავენ სკოლაში.
იხილეთ ფოტოები:
