„ჩვენი სკოლა ჩვენი სახლია, ვიზრუნოთ ბუნებაზე“ - ჭალადიდის საჯარო სკოლაში საინტერესო გარემოსდაცვითი პროექტი განხორციელდა
ხობის მუნიციპალიტეტის სოფელ ჭალადიდის საჯარო სკოლაში სასწავლო წელი აქტიურად მიმდინარეობს. მოსწავლეები სხვადასხვა პროექტსა და აქტივობაში მონდომებით ერთვებიან.
ამჯერად, სკოლის მოსწავლეები პროექტში - „ჩვენი სკოლა ჩვენი სახლია, ვიზრუნოთ ბუნებაზე“ ჩაერთნენ.
გარემოსდაცვითი პროექტის ფარგლებში, დაწყებით და საბაზო საფეხურის მოსწავლეებმა, მასწავლებლის - შორენა მურუსიძის ხელმძღვანელობით, სკოლის ეზო და მისი მიმდებარე ტერიტორია დაასუფთავეს.
მათ ასევე აღნიშნულ ადგილებზე ნარგავები დარგეს.
„მოსწავლეები მცენარეებზე ზრუნვას სწავლობენ, მათ ზრდა-განვითარებას, ვეგეტაციის პირობებს აკვირდებიან“, - გვიყვებიან სკოლაში.
აქტივობაში ისინი მონდომებით, ინტერესითა და ხალისით ჩაერთნენ.
აღსანიშნავია, რომ მსგავსი აქტივობები და პროექტები მოსწავლეთა ცნობიერების ამაღლებას ხელს უწყობს.
იხილეთ ფოტოები: