მარტვილის მუნიციპალიტეტის სოფელ დიდი ჭყონის N1 საჯარო სკოლაში მოსწავლეთა ცნობიერების ამაღლებასა და მრავალმხრივ განვითარებას მნიშვნელოვანი ყურადღება ექცევა. ისინი პედაგოგთა ხელმძღვანელობით, სხვადასხვა პროექტსა და აქტივობაში ერთვებიან.
ამჯერად, სკოლაში ბულინგთან ბრძოლის საერთაშორისო დღესთან დაკავშირებით, საინტერესო ღონისძიებები დაიგეგმა.
კერძოდ, კი დაწყებითი საფეხურისა და ისტორიის პედაგოგებმა: მზევინარ ჩუბინიძემ, ნონა თოდუამ და ნინო სურმავამ მოსწავლეებთან საინფორმაციო ხასიათის შეხვედრები მოაწყო.
შეხვედრის შემდეგ, როგორც სკოლაში გვიყვებიან, მოსწავლეებმა სასწრაფო სამედიცინო სამსახურის, ადგილობრივი გამგეობის და პოლიციის წარმომადგენლები მოინახულეს და ბულინგის შესახებ ისაუბრეს.
მოსწავლეებმა ასევე შექმნეს თემატური პოსტერები, რომლებიც მასწავლებლებსა და თანატოლებს დაურიგეს.
აქტივობაში ისინი დიდი მონდომებით, ინტერესითა და ხალისით ჩაერთნენ.
აღსანიშნავია, რომ მსგავსი აქტივობები და პროქტები მოსწავლეთა სასწავლო პროცესში ჩართულობას ზრდის.
იხილეთ ფოტოები:
