ცინარეთის საჯარო სკოლის მოსწავლეებმა ფრენბურთის მუნიციპალურ პირველობაში წარმატებით იასპარეზეს
05-05-2023
შუახევის მუნიციპალიტეტის სოფელ ცინარეთის საჯარო სკოლის მოსწავლეები სხვადასხვა სპორტულ შეჯიბრსა და აქტივობაში მონდომებით მონაწილეობენ, სადაც წარმატებას აღწევენ.
ამჯერად, ისინი შუახევის მუნიციპალიტეტის სასპორტო სკოლის ორგანიზებულ სპორტულ ღონისძიებაში - „პირველობა ფრენბურთში“ მონაწილეობდნენ.
მათ შეჯიბრში მე-3 ადგილი დაიკავეს, რისთვისაც გუნდი თასით დაჯილდოვდა, ხოლო მონაწილეებს მედალი და სიგელი გადაეცათ.
„სკოლა გულითადად ვულოცავთ მიღწეულ წარმატებებს მოსწავლეებს, მათ მშობლებსა და სპორტის მასწავლებელ ჯემალ დიასამიძეს. ასევე წარმატებებს ვუსურვებთ მომავალშიც“, - აღნიშნავენ სკოლაში.
მსგავსი შეჯიბრებები და ღონისძიებები მოსწავლეთა მოტივაციის ამაღლებისა და შესაძლებლობების წარმოჩენისთვის მნიშვნელოვანია.
იხილეთ ფოტოები:
სკოლების სიახლეები
