წალენჯიხის მუნიციპალიტეტის საჩინოს თემის N1 საჯარო სკოლის მოსწავლეებისთვის არაერთი საინტერესო გასვლითი აქტივობა იმართება.
ამჯერად, საქართველოს თავდაცვისა და განათლების სამინისტროების ერთობლივი პროექტის - „ჯარისკაცის ერთი დღე“ ფარგლებში, საშუალო საფეხურის მოსწავლეები სენაკში - დასავლეთ სარდლობის მე-2 ქვეითი ბრიგადის ბაზაზე იმყოფებოდნენ. მოსწავლეები აქტივობაში წალენჯიხის N2 და საჩინოს თემის N1 საჯარო სკოლები ბიოლოგიის პედაგოგის - მედეა როგავას ხელმძღვანელობით ჩაერთნენ.
მოსწავლეები ჯარისკაცის ცხოვრების წესს გაეცნენ, პატივი მიაგეს დაღუპულთა ხსოვნას, დაათვალიერეს სამხედრო ტექნიკა, მოისმინეს მინი ლექცია სამხედრო და სამოქალაქო თავდაცვის ძალების განვითარების ძირითადი პროგრამების, გეგმებისა და სამომავლო სტრუქტურის შესახებ. გარდა ამისა, დასვეს კითხვები სამხედრო-პროფესიულ და კარიერულ განვითარებასთან დაკავშირებულ საკითხებზე, ისადილეს ჯარისკაცებთან ერთად და სამახსოვრო სურათები გადაიღეს.
იხილეთ ფოტოები:
