რევაზ მუმლაძის სახელობის ზესტაფონის N7 საჯარო სკოლის მოსწავლეები სხვადასხვა სპორტულ აქტივობასა და შეჯიბრში მონდომებით მონაწილეობენ, სადაც წარმატებას აღწევენ.
ამჯერად, მოსწავლეები სასკოლო სპორტულ ოლიმპიადაში, გეზრბენში ჩაერთნენ.
სკოლის გოგონათა და ვაჟთა მორბენალი გუნდები იმერეთის სახელით გავიდნენ აღნიშნულ ტურნირზე.
სპორტული თამაშები ქუთაისში ჩატარდა.
„ჩვენმა სპორტსმენებმა მეტად დაძაბულ ბრძოლაში პირველობა არავის დაუთმეს და შესაბამისად, პირველი ადგილები დაიკავეს“, - აღნიშნავენ სკოლაში.
მოსწავლეებმა შესაძლებლობები შესანიშნავად წარმოაჩინეს
„ვულცავთ ამ დიდ წარმატებას თითოეულ მონაწილეს და ჩვენი სპორტის მასწავლებელს, - ავთო ქოჩიაშვილს, ვუსურვებთ შემდეგ ეტაპზე გამარჯვებასა და ევროპაში გამგზავრებას“, - გვეუბნებიან სკოლაში და მოსწავლეთა წარმატებით ამაყობენ.
აღსანიშნავია, რომ სკოლა მოსწავლეთა წარმატებას მუდმივად მხარს უჭერს.
იხილეთ ფოტოები:
