წყალტუბოს მუნიციპალიტეტის სოფელ მაღლაკის N1 საჯარო სკოლაში სასწავლო წელი აქტიურად მიმდინარეობს. პედაგოგები მოსწავლეებს მრავალფეროვანი აქტივობებით გაჯერებულ გაკვეთილებს სთავაზობენ.
ამჯერად, სკოლის მე-6 კლასში ქართულ ენასა და ლიტერატურაში, პედაგოგ ინგა დარსაველიძის ხელმძღვანელობით, კითხვის საჩვენებელი გაკვეთილი ჩატარდა.
გაკვეთილის თემა - ხალხური ლექსი „ფხოველი და შავანელი“ იყო.
როგორც სკოლაში გვიყვებიან, კლასი 4 ჯგუფად დაიყო - მოსწავლეებმა ლექსი ზეპირად წაიკითხეს, შემდეგ კი ლექსიკურ რუკაზე, „სიტყვების გამომძიებელზე“ და სიტყვის პირამიდაზე იმუშავეს.
მათ ასევე სკოლაში საინტერესო პრეზენტაცია გააკეთეს.
„დაახასიათეს ლექსის სამივე პერსონაჟი: ფხოველი, შავანელი და ყორანი, გამოთქვეს დამოკიდებულება პერსონაჟების მიმართ, დაწერეს ნაწარმოების მთავარი აზრი, წაიკითხეს კლასის წინაშე და გაავლეს პარალელი ცხოვრებასთან“, - გვიყვებიან სკოლაში.
აღსანიშნავია, რომ მსგავსი გაკვეთილები მოსწავლეთა საგაკვეთილო პროცესში ჩართულობასა და მოტივაციას ზრდის.
იხილეთ ფოტოები:
