ჩოხატაურის მუნიციპალიტეტის სოფელ დაბლაციხის საჯარო სკოლის მოსწავლეები სხვადასხვა ინტელექტუალურ შეჯიბრსა და კონკურსში აქტიურად ერთვებიან, სადაც წარმატებას აღწევენ.
ამჯერად, ისინი ინტელექტუალურ შეჯიბრში - „ცოდნა თან დასდევს მცოდნესა“ მონაწილეობდნენ.
კონკურსი ჩოხატაურის მუნიციპალიტეტის, არაფორმალური განათლებისა და კულტურული მემკვიდრეობის დაცვის ცენტრის მთავარმა ბიბლიოთეკამ სკოლებს შორის ჩაატარა.
შეჯიბრის ფინალურ ტურში გამარჯვებული სამი გუნდიდან, დაბლაციხის საჯარო სკოლის გუნდი - „ნაკოშკვარა“ მე-2 ადგილზე გავიდა, რისთვისაც დაჯილდოვდა.
სკოლის დირექტორმა - ერეკლე ჯიქიამ გუნდის მონაწილეებს სიგელები და სამახსოვრო სუვერინები გადასცა.
აღსანიშნავია, რომ მსგავსი კონკურსები მოსწავლეთა მრავალმხრივ განვითარებას ხელს უწყობს. სკოლა კი მათ წარმატებას მუდამ მხარს უჭერს.
იხილეთ ფოტოები:
