სიღნაღის მუნიციპალიტეტის ქალაქ წნორის N1 საჯარო სკოლაში მოსწავლეთა მრავალმხირვ განვითარებაზე პირველივე კლასიდან აქტიურად ზრუნავენ.
ამჯერად, Iა კლასში, პედაგოგ მარინა გოგაშვილის ხელმძღვანელობით, ღია გაკვეთილი - „შევისწავლეთ ყველა ასო“ ჩატარდა. მოსწავლეებმა დამსწრე მასწავლებლებს ფერადი ფურცლებისგან აწყობილი და საკუთარი ხელით შექმნილი ანბანი წარუდგინეს.
გაკვეთილი დატვირთული იყო სხვადასხვა აქტივობით. მოსწავლეებმა წაიკითხეს და დამარცვლეს სიტყვები, ერთმანეთისგან - ვინ და რა ჯგუფის არსებითი სახელები გამოყვეს, გამოიცნეს ანდაზა-რებუსები, დაასახელეს საპირისპირო შინაარსის სიტყვები.
როგორც სკოლაში ამბობენ, გაკვეთილი იყო ძალიან სახალისო და საინტერესო. მას სიღნაღის მუნიციპალიტეტის რესურსცენტრის ხელმძღვანელი ლია ბეჟაშვილი, დირექცია და კათედრის ხელმძღვანელი ესწრებოდნენ.
იხილეთ ფოტოები:
