აკაკი ჩხენკელის სახელობის ხონის N2 საჯარო სკოლაში მოსწავლეთა ცნობიერების ამაღლებასა და მრავალმხრივ განვითარებას მნიშვნელოვანი ყურადღება ექცევა. სწორედ ამიტომ, ბავშვები პედაგოგთა ხელმძღვანელობით, სხვადასხვა პროექტსა და აქტივობაში მონდომებით ერთვებიან.
ამჯერად, ისინი 2023 წლის გლობალური სამოქმედო დღეების Global Action Days-ის აქტიური მონაწილეები გახდნენ და „აქცია 5-ს!“ შეუერთდნენ.
მათ შერჩეულ ადგილზე პიკნიკი მოაწყვეს და დრო, როგორც სკოლაში გვიყვებიან, სასიამოვნოდ გაატარეს.
მათ პიკნიკის დასასრულს გარემო დაასუფთავეს და ნარჩენები დაახარისხეს.
„არ დაივიწყოთ, პიკნიკის დასრულების შემდეგ გარემოს დასუფთავება! ნარჩენები დაახარისხეთ (პლასტმასი, ქაღალდი, მინა, საკვები ... ), რათა შეგროვებისა და დამუშავების პროცესების საშუალებით მოხდეს მათი აღდგენა სასიცოცხლო ციკლში“, - მოსწავლეები სხვებსაც გარემოს დაცვისკენ მოუწოდებენ.
აღსანიშნავია, რომ მსგავსი პიკნიკები და აქტივობები მოსწავლეებს ერთმანეთთან აახლოებს. ეს ასევე მათი განვითარებისთვისაც მნიშვნელოვანია.
იხილეთ ფოტოები:
