თერჯოლის მუნიციპალიტეტის სოფელ ქვედა სიმონეთის N2 საჯარო სკოლაში, სპორტის სხვდასხვა სახეობაში, შიდასასკოლო შეჯიბრი გაიმართა.
როგორც სკოლაში ამბობენ, უკვე 26-ე წელია, რაც ტრადიციად იქცა, კლასებს შორის რამაზ ლიკლიკაძის სახელობის გარდამავალი თასისათვის შეჯიბრი შაშში, ფეხბურთსა და ორ ძელზე ტანის აზიდვაში. რა თქმა უნდა, შეჯიბრი წელსაც გაიმართა, სპორტის მასწავლებლის დავით რობაქიძის ხელმძღვანელობით.
შეჯიბრში VII- XII კლასის მოსწავლეები მონაწილეობდნენ. თითოეული თამაში სანახაობრივი იყო, მოსწავლეებმა შესაძლებლობები წარმოაჩინეს, მოწინააღმდეგე გუნდები ერთმანეთს ტოლს არ უდებდნენ.
მღელვარე ასპარეზობის შემდეგ, საბოლოოდ, გამოვლინდა გამარჯვებული გუნდი - XI კლასი. ყოველწლიურად, თასს გამარჯვებულ გუნდს, 1 მაისს, ინიციატორი და ხელმძღვანელი, სპორტის მასწავლებლი დავით რობაქიძე გადასცემს.
იხილეთ ფოტოები:
