თბილისის N217 საჯარო სკოლაში პედაგოგები მოსწავლეებს ლიტერატურისადმი სიყვარულს ადრეული ასაკიდანვე უღვივებენ. სწორედ ამიტომ, სკოლაში სხვადახვა საინტერესო საგანმანათლებლო აქტივობები ეწყობა და საინტერესო ადამიანებთან შეხვედრები იმართება.
ამჯერად, სკოლის III კლასის მოსწავლეებს საბავშვო წიგნის - „დიიიდი ნუნუ“ ავტორი, მასწავლებლის ეროვნული ჯილდოს 2019 წლის კონკურსის გამარჯვებული გიორგი ჭაუჭიძე ესტუმრა.
სტუმარმა, მოსწავლეებთან ერთად, კითხვა-პასუხის რეჟიმში წიგნი -„დიიიდი ნუნუ“ განიხილა.
მესამეკლასელებმა საინტერესო ინფორმაცია მიიღეს და ცოდნა აიმაღლეს.
შეხვედრა საინტერესო, ნაყოფიერი და დასამახსოვრებელი იყო. მის დასასრულს, ბავშვებმა მწერალთან ერთად, სამახსოვრო ფოტოები გადაიღეს.
აღსანიშნავია, რომ მსგავსი შეხვედრები და აქტივობები მოსწავლეებში წიგნის კითხვვის პოპულარიზაციას ხელს უწყობს.
იხილეთ ფოტოები:
