წალენჯიხის მუნიციპალიტეტის, მედანის თემის საჯარო სკოლაში დედამიწის დღე საინტერესოდ აღინიშნა.
სკოლაში გარემოსდაცვით დღესთან დაკავშირებით, აქტივობა - „მწვანე ჩანთები“ განხორციელდა.
როგორც სკოლაში აღნიშნავენ, ამ დღის აღსანიშნავად, მშობლების, მასწავალებლების მხარდაჭერითა და თანადგომით, ეკოკლუბის - „ტობავარჩხილის“ ლოგოთი ნაჭრის ჩანთები შეიკერა.
„მოსწავლეებმა ჩანთები გამვლელებს დაურიგეს და მოუწოდეს პოლიეთილენის პარკები მრავალჯერადი გამოყენების, ნაჭრის ჩანთებით ჩაენაცვლებინათ“, - გვიყვებიან სკოლაში.
აქტივობაში ისინი მონდომებით, ხალისითა და ინტერესით ჩაერთნენ.
როგორც სკოლაში გვეუბნებიან, აქტივობის მიზანი გარემოსდაცვითი საკითხებზე საზოგადოების ცნობიერების ამაღლება და საკუთარი როლის გააზრება იყო.
მათი ხელმძღვანელები გახლდათ - ირმა ჩალიგავა, ლუარა წახნაკია.
აღსანიშნავია, რომ მსგავსი აქტივობები და ღონისძიებები სასწავლო პროცესში მოსწავლეთა ჩართულობას ზრდის.
იხილეთ ფოტოები:
