სიმონ სხირტლაძის სახელობის ქალაქ ონის საჯარო სკოლაში, კორპორაციული სოცილაური პასუხისმგებლობის ფარგლებში, „თეთრმა კვადრატმა“ თანამედროვე ტექნოლოგიებით აღჭურვილი კომპიუტერული ლაბორატორია და ბიბლიოთეკა მოაწყო.
დეველოპერული კომპანია თეთრი კვადრატის მმართველი პარტნიორის, ირაკლი ბურდილაძის ქველმოქმედებით, სკოლაში საზეიმოდ გაიხსნა კომპიუტერული ლაბორატორია და ზურაბ ბურდილაძის სახელობის ბიბლიოთეკა.
კომპიუტერული ლაბორატორია სრულადაა აღჭურვილი თანამედროვე ტექნოლოგიებით - 20 კომპიუტერით, 4 პრინტერით, 1 პროექტორით, მაგნიტური დაფით, 20 მოსწავლის მაგიდითა და სკამებით.
ბიბლიოთეკაში დამონტაჟებულია თანამედროვე ტიპის თაროები, მაგიდები და სკამები, რბილი ავეჯი. როგორც სკოლაში ამბობენ, ბიბლიოთეკაში 2000-მდე თანამედროვე მხატვრული, კლასიკური, ყველა ასაკის შესაბამისი ლიტერატურა, როგორც ქართულ, ასევე ინგლისურ ენაზე განთავსდა.
იხილეთ ფოტოები:
