ციხიის საჯარო სკოლის ეკოკლუბის წევრებმა დედამიწის დღე საინტერესო აქტივობებით აღნიშნეს
ტყიბულის მუნიციპალიტეტის სოფელ ციხიის საჯარო სკოლის მოსწავლეები გარემოსდაცვითი საქმიანობით გამოირჩევიან. სკოლაში შექმნილია ეკოკლუბი - „მწვანე სავანე“, რომლის წევრებიც, მასწავლებლებთან ერთად, აქტიურად არიან ჩართულნი და დაგეგმილ აქტივობებს ახორციელებენ.
მოსწავლეებმა საინტერესოდ აღნიშნეს დედამიწის დღე.
ამ გარემოსდაცვით დღესასწაულთა დაკავშირებით გამართული კვირეულის ფარგლებში, პედაგოგ ლალი ბუხაიძის ხელმძღვანელობით, თემის - „გავუფრთხილდეთ დედამიწას“ შესაბამისად, კლუბის წევრებმა არაერთი გარემოსდაცვითი აქტივობა განახორციელეს.
დედამიწის დღისადმი მიძვნილ ღონისძიებაში ბავშვებმა წარმოადგინეს თავიანთი ნამუშევრები: პლაკატი, სლაიდები და პატარა ჩანახატები...
ღონისძიების ბოლოს სკოლის ტერიტორია მწვანე ნარგავებით განაშენიანდა. ეკოკლუბის ხელმძღვანელმა წარმოადგინა კლუბის სამომავლო სამოქმედო გეგმაც.
იხილეთ ფოტოები: