ოტია იოსელიანის სახელობის წყალტუბოს N1 საჯარო სკოლაში სასწავლო წელი აქტიურად მიმდინარეობს. პედაგოგები მოსწავლეებს ცოდნისა და მოტივაციის ამაღლების მიზნით, მრავალფეროვან გაკვეთილებს სთავაზობენ.
ამჯერად, სკოლის III ბ კლასში ინგლისურ ენაში კომპლექსური დავალების პრეზენტაცია თემაზე - „ჩემი საყვარელი სეზონი - My Favourite Season“ ჩატარდა.
კლასის ხელმძღვანელი: ა.ნაფეტვარიძე, ხოლო საგნის მასწავლებელი ნ. ჯავახაძე გახლავთ.
„მოსწავლეებმა საინტერესოდ შექმნეს, წარმოადგინეს და დააჯგუფეს თითოეული სეზონი“ , -აღნიშნავენ სკოლაში.
მესამეკლასელებმა როგორც სკოლაში გვიყვებიან, პრეზენტაციის დროს ლექსიკური ერთეულებისა და გრამატიკული მასალის ცოდნა წარმოაჩინეს.
„ისინი ასევე საყვარელი სეზონის აღწერისას მიმიკა-ჟესტიკულაციის, ინტონაციისა და სიტყვების სწორად წარმოთქმაში ეჯიბრებოდნენ, რათა თავი მოეწონებინათ სკოლის დირექტორის ქალბატონ ფაქიზო ფანჩულიძის, ინგლისური ენის მასწავლებლის - ირმა ჭანტურიძისა და კლასის ხელმძღვანელის წინაშე, მადლობა ჩემს ყოჩაღ მოსწავლეებს“, - აღნიშნავს სკოლის წარმომადგენელი.
აღსანიშნავია, რომ მსგავსი გაკვეთილები და პრეზენტაციები მოსწავლეთა სასწავლო პროცესში ჩართულობას ზრდის.
იხილეთ ფოტოები:
