ქობულეთის მუნიციპალიტეტის სოფელ ზედა კვირიკეს საჯარო სკოლის მოსწავლეები სხვადასხვა ინტელექტუალურ შეჯიბრსა თუ კონკურსში აქტიურად მონაწილეობენ.
ამჯერად, სკოლაში მე-6, მე-7 და მე-8 კლასების მოსწავლეებს შორის ინტელქტუალური თამაში - „წიგნების თარო“ ჩატარდა.
როგორც სკოლაში გვიყვებიან, კლასებში კენჭისყრა მოეწყო, რომლის მიხედვით შემდგომ დაკომპლექტდა ორი მოპაექრე გუნდი.
„გუნდებს შორის გაიმართა საკმაოდ საინტერესო და დაძაბული შეჯიბრი. გუნდები თანაბარი ქულებით მიდიოდნენ ფინალისკენ, თუმცა საბოლოოდ მე-7 კლასელებმა გაიმარჯვეს და მიაღწიეს სასურველ შედეგს“, - აღნიშნავენ სკოლაში.
მოსწავლეებმა შესაძლებლობები შესანიშნავად წარმოაჩინეს და დრო ნაყოფიერად გაატარეს.
აღსანიშნავია, რომ სკოლაში მნიშვნელოვანი ყურადღება ექცევა მოსწავლეთა მრავალხმრივ განვითარებას და სასკოლო საზოგადოება მათ წამრატებას მუდამ მხარს უჭერს.
იხილეთ ფოტოები:
