ნინოწმინდის მუნიციპალიტეტის სოფელ ეშტიის N2 საჯარო სკოლაში პედაგოგები მოსწავლეებს სწავლისადმი მოტივაციის ამაღლების მიზნით, საინტერესო და მრავალფეროვან ინტეგრირებულ გაკვეთილებს სთავაზობენ.
ამჯერად, სკოლის I კლასში ინტეგრირებული გაკვეთილი მათემატიკისა და ფიზიკური აღზრდის საგნებში ჩატარდა.
აღნიშნული გაკვეთილის თემა მათემატიკაში – „გეომეტრიული ფიგურები, კანონზომიერება“, ხოლო ფიზიკურ აღზრდაში - „სიჩქარე და ყურადღება“ იყო.
მოსწავლეებმა საგაკვეთილო თემის ფარგლებში, კლასში სხვადასხვა სპორტული აქტივობა მონდომებით, ინტერესითა და ხალისით შეასრულეს.
გაკვეთილს ხელმძღვანელობდნენ პედაგოგები - ნინა კარაპეტიანი და ვარდიტერ გრაბსკაია.
აღსანიშნავია, რომ მსგავსი გაკვეთილები მოსწავლეთა მრავალმხრივი განვითარებისთვის მნიშვნელოვანია, რაზეც სასკოლო საზოგადოება აქტიურად ზრუნავს.
იხილეთ ფოტო-ვიდეომასალა:
.jpg){kind=link}
