ახალქალაქის მუნიციპალიტეტის სოფელ ღადოლარის საჯარო სკოლაში სასწავლო წელი მრავალფეროვანი აქტივობებითაა გაჯერებული, რაც მოსწავლეთა მოტივაციასა და სწავლის სურვილზე დადებითად აისახება. 

ამჯერად, მე-6 კლასში, ინგლისური ენის გაკვეთილზე, ფილმების ჟანრების შესახებ ჯგუფური სამუშაო გაიმართა. 

მოსწავლეები მის მიმდინარეობაში მონდომებით, ინტერესითა და ხალისით ჩაერთნენ. მათ შესაბამისი ინფორმაცია მოიძიეს, პოსტარები მოამზადეს. მათი ხელმძღვანელი ინგლისური ენის მასწავლებელი სვეტლანა გრიგორიანი იყო.

მოსწავლეებმა ცოდნა გაიღრმავეს, დრო ნაყოფიერად გაატარეს და შესაძლებლობები გამოავლინეს. აღსანიშნავია, რომ ისინი დედამიწის მოფრთხილების მნიშვნელობასა და აუცილებლობას კარგად აცნობიერებენ. 

იხილეთ ფოტოები: