პირველი სვირის საჯარო სკოლის მოსწავლეთა გუნდმა ინტელექტუალურ შეჯიბრში პირველი ადგილი დაიკავა
26-04-2023
ზესტაფონის მუნიციპალიტეტის სოფელ პირველი სვირის საჯარო სკოლის მოსწავლეები სხვადასხვა შეჯიბრსა და ინტელექტუალურ კონკურსში აქტიურად მონაწილეობენ.
ამჯერად, ისინი გუნდურ ინტელექტუალურ თამაშში - „რა? სად? როდის?“ მონაწილეობდნენ, სადაც პირველი ადგილი დაიკავეს.
აღნიშნული ინტელექტუალური კონკურსი ზესტაფონის მერიის ორგანიზებული იყო, რომელსაც გიორგი მოსიძე ხელმძღვანელობდა.
„სკოლის დირექცია და პედაგოგიური კოლექტივი ვულოცავთ ჩვენ ნიჭიერ მოსწავლეებს: გიორგი ჟორჟოლიანს, ქეთევან და გიორგი სულაქველიძეებს, ნინო გელაშვილს, მაგდა ბაღდაძეს და ლუკა ქარქაშაძეს ამ დიდ გამარჯვებას, წინსვლა და წარმატებები მათ“, - აღნიშნავენ სკოლაში.
აღსანიშნავია, რომ მოსწავლეთა წარმატებას სკოლა მუდმივად მხარს უჭერს.
იხილეთ ფოტოები:
სკოლების სიახლეები
