გურჯაანის მუნიციპალიტეტის სოფელ არაშენდის საჯარო სკოლის მოსწავლეები სხვადასხვა სპორტულ აქტივობასა და შეჯიბრში მონდომებით მონაწილეობენ.

ამჯერად, სკოლის ფეხბურთელ ვაჟთა გუნდმა კახეთის რეგიონალურ პირველობაზე 2008-2009 წლებში დაბადებულთა შორის, საინტერესო და დაძაბული თამაშების შედეგად, მე-2 საპრიზო ადგილი დაიკავა.

გუნდის წევრებმა შესაძლებლობები შესანიშნავად წარმოაჩინეს.

სკოლა მათ გამარჯვებას ულოცავს და შემდგომ წარმატებებს უსურვებს.

აღსანიშნავია, რომ სკოლა მოსწავლეთა წარმატებას მუდმივად მხარს უჭერს.