ცხენთაროს საჯარო სკოლაში დედამიწის დღეს კვირეული მიეძღვნა
26-04-2023
ზესტაფონის მუნიციპალიტეტის სოფელ ცხენთაროს საჯარო სკოლაში მოსწავლეთა ეკოლოგიური ცნობიერების ამაღლებას მნიშვნელოვანი ყურადღება ექცევა. ამ მიზნით კი არაერთი ღონისძიება იმართება.
შესაბამისად, დედამიწის დღესთან დაკავშირებით სკოლაში მოეწყო კვირეული - „დედამიწა ჩვენი სახლია“.
კვირეული მრავალფეროვან გარემოსდაცვით აქტივობებს მოიცავდა.
მოსწავლეებმა დაასუფთავეს სკოლის ეზო, დარგეს ყვავილები და ხეხილი, შექმნეს ნახატები, პოსტერები და ასევე ჩაატარეს კვლევა - „ჩემი ეკონაკვალევი“.
დედამიწის დღე 22 აპრილს აღინიშნება. ამ მასშტაბური მსოფლიო კამპანიის მთავარი მიზანი კი პლანეტის მოფრთხილებისკენ მოწოდებაა.
იხილეთ ფოტოები:
სკოლების სიახლეები
