წყალტუბოს მუნიციპალიტეტის სოფელ ფარცხანაყანევის N4 საჯარო სკოლაში საინტერესო და კრეატიული ინტეგრირებული გაკვეთილი ჩატარდა.
ინტეგრირეული გაკვეთილის თემა - „ოქროს კვეთა“, გახლდათ.
გაკვეთილი, საგნების: მათემატიკის, ხელოვნების და მუსიკის გაერთიანებით გაიმართა.
ხელმძღვანელი მასწავლებლები: მათემატიკის მასწავლებელი თინათინ გეგეშიძე, სახვითი და გამოყენებითი ხელოვნების მასწავლებელი ფატიმა ჟორჟოლიანი და მუსიკის მასწავლებელი მედეა შარაბიძე, იყვნენ.
სკოლაში გააზრებული აქვთ, რომ ეროვნული სასწავლო გეგმის მიხედვით, სასწავლო პროცესში, საგანთაშორისი კავშირების დამყარება აუცილებელია.
მსგავსი გაკვეთილებით, მოსწავლეებს უვითარდებათ ერთ საგანში მიღებული ცოდნის, სხვა საგნის სწავლებისას, გამოყენების უნარი.
კერძოდ: მოსწავლეები აკვირდებიან და ხედავენ თუ რა კავშირია მათემატიკას, ხელოვნებასა და მუსიკას შორის.
როგორც სკოლაში გვიყვებიან, გაკვეთილის მიზანი იყო მოსწავლეებს გასჩენოდათ ინტერესი გარემომცველი სამყაროს კვლევის, სიახლეთა აღმოჩენისა და შეცნობის მიმართ.
აღსანიშნავია, რომ გაკვეთილმა, მოსწავლეთა განსაკუთრებული მოწონება დაიმსახურა.
