ჯემალ ქათამაძის სახელობის ქობულეთის მუნიციპალიტეტის სოფელ ციხისძირის საჯარო სკოლაში არაერთი წარმატებული მოსწავლე სწავლობს, რომელთა წინსვლას დირექცია საზოგადობას დიდი სიხარულით უზიარებს. 

ამჯერად, სკოლაში მე-2^ბ კლასის (დამრიგებელი ნარგიზ  ხახუტაიშვილი) მოსწავლეების - ემილი  სურმანიძისა და  სანდრო გაბაიძის სპორტულ წარმატებას ზეიმობენ.  

ემილი ბათუმის, ვალენტინა კუზმიდის ტანვარჯიშის უმაღლესი სკოლის ტანმოვარჯიშეა. 2 აპრილს  მონაწილეობდა საერთაშორისო ტურნირში -  „მხატვრული  ტანვარჯიშის  მარათონი  2023“ ჯგუფური და პირველი ადგილი მოიპოვა.

სანდრო ქობულეთის კომპლექსური სპორტსკოლის ფეხბურთელია. მწვრთნელები მასზე  დიდ  იმედებს ამყარებენ. 9 აპრილს გამართულ  შეჯიბრში ის გუნდის საუკეთესო თავდამსხმელად დასახელდა.

სკოლაში მოსწავლეთა მიღწევებით ამაყობენ და წინსვლას უსურვებენ. 

„სკოლის დირექცია, პედაგოგები და მეგობრები სიამაყით ულოცავენ სპორტულ წარმატებას მე-2 ბ  კლასის წარჩინებულ  მოსწავლეებს - ემილი  სურმანიძეს და სანდრო გაბაიძეს. სკოლა ამაყობს  თქვენით. გვჯერა, კვლავაც  ბევრჯერ გაგვახარებთ წარმატებებით“,- აღნიშნულია სკოლის გავრცელებულ მისალოც წერილში.