ახალციხის მუნიციპალიტეტის სოფელ მინაძის საჯარო სკოლაში ახალგაზრდების ეკოლოგიური ცნობიერების ამაღლება ერთ-ერთი პრიორიტეტული საკითხია. ამ მიზნით კი სკოლაში არაერთი გარემოსდაცვითი ღონისძიება იმართება. 

შესაბამისად მოსწავლე-მასწავლებელთა ყურადღების მიღმა არ დარჩენილა ისეთი გარემოსდაცვითი დღესასწაული, როგორიც დედამიწის საერთაშორისო დღეა. 

სკოლაში გაიმართა შემეცნებითი ღონისძიება - „ჩვენ ნარჩენები და დანარჩენები“.

როგორც სკოლაში გვეუბნებიან, ღონისძიება მიზნად ისახავდა მოსწავლეებისთვის გარემოს დაცვის მნიშვნელობის გააზრებას. 

„ამ ღონისძიების მიზანია, რომ მოსწავლეებმა გააცნობიერებიერონ ბუნების დანაგვიანებით გამოწვეული საფრთხე და გამოუმუშავდეთ მზრუნველი დამოკიდებულება გარემოსადმი“,- გვეუბნებიან სკოლაში. 

დედამიწის დღე 22 აპრილს აღინიშნება. ამ მასშტაბური მსოფლიო კამპანიის მთავარი მიზანი კი პლანეტის მოფრთხილებისკენ მოწოდებაა. 

ფოტოები ატვირთულია მშობელთა თანხმობით