სკოლაში Iბ კლასის მოსწავლეები ბუნების გაკვეთილზე საინტერესო აქტივობებში ჩაერთნენ. მათ ხელმძღვანელობდა პედაგოგი - ნატალია დიმიტრაძე.
გაკვეთილის თემა გახლდათ - დედამიწა.
მოსწავლეებმა ნახეს ანიმაციური ფილმი - „გამარჯობა დედამიწა!“, რომლის შესახებაც შემდგომ იმსჯელეს.
მათ ასევე ერთმანეთისგან ხმელეთისა და წყლის გარჩევა ისწავლეს. როგორც სკოლაში გვიყვებიან, პირველკლასელებმა ბოთლის სახურავებით მონიშნეს ისინი.
აღნიშნულ დღესთან დაკავშირებით, ასევე I ა კლასის მოსწავლეებმა თემაზე - „დედამიწა ჩვენი სახლია“ აქტივობები განახორციელეს. მათი ხელმძღვანელობდა პედაგოგი - ინდირა აბაშიძე.
როგორც სკოლაში გვიყვებიან, აქტივობის მიზანი იყო მოსწავლეთა ეკოლოგიური ცნობიერების ამაღლება.
ისინი გაერთიანდნენ ლოზუგნის - „ვიზრუნოთ, მოვეფეროთ, გადავარჩინოთ, გავუფრთხილდეთ, გვიყვარდეს“, გარშემო და ცოდნა აიმაღლეს.
დედამიწის დღე ასევე სკოლის III ა კლასის მოსწავლეებმა აღნიშნეს.
მათ დედამიწის დღესთან დაკავშირებით, დამრიგებელთან ერთად სკოლის მიმდებარე ტერიტორია გაალამაზეს.
„სკოლაში მათ მოიტანეს და საკუთარი ხელით დარგეს კაკლის ხე და სხვადასხვა სახის ყვავილი“, - აღნიშნავენ სკოლაში.
მათი ლოზუნგი იყო - „დარგე ნერგი, გააღიმე დედამიწა“ , „ვიზრუნოთ გარემოზე“.
სკოლის III ბ კლასის მოსწავლეებმა კი ბუნების გაკვეთილზე, მასწავლებელ სალომე სურმანიძის ხელმძღვანელობით, აღნიშნულ დღესთან დაკავშირებით საინტერესო ინფორმაციები მოიძიეს და ერთმანეთს გაუზიარეს.
„კლასში განხორციელებული აქტივობები ემსახურებოდა მოსწავლეებში ცნობიერების ამაღლებასა და ბუნებაზე ზრუნვის უნარ-ჩვევების გამომუშავებას“, - აღნიშნავენ სკოლაში.
დედამიწის დღე ყოველწლიურად, 22 აპრილს აღინიშნება. ამ დღეს მსოფლიოს გარშემო იმართება გარემოს დაცვის მხარდასაჭერი ღონისძიებები.
იხილეთ ვიდეოები:
