დაბა აბასთუმნის საჯარო სკოლის მოსწავლეები ადგილობრივი თვითმმართველობის ფუნქცია-მოვალეობებს გაეცნენ
24-04-2023
ადიგენის მუნიციპალიტეტის დაბა აბასთუმნის საჯარო სკოლის პედაგოგები მოსწავლეებს მრავალფეროვან გაკვეთილებს სთავაზობენ.
ამჯერად, სკოლის მე-8 კლასის მოსწავლეებს სამოქალაქო განათლებაში, პედაგოგ მადონა ტოკლიკიშვილი ხელმძღვანელობით, გასვლითი გაკვეთილი ადიგენის მერიაში ჩაუტარდათ.
მერვეკლასელები ადიგენის მერს - გოჩა ქიმაძეს შეხვდნენ. მან მოსწავლეებს ადგილობრივი თვითმმართველობის ფუნქცია-მოვალეობები გააცნო.
ღონისძიება კითხვა-პასუხის რეჟიმში გაიმართა.
„მოსწავლეებმა მათთვის საინტერესო კითხვებზე პასუხები მიიღეს და საკუთარი ინიციატივებიც გააჟღერეს“, - გვიყვებიან სკოლაში.
აღსანიშნავია, რომ მსგავსი გასვლითი გაკვეთილები მოსწავლეთა მოტივაციის ამაღლებას ხელს უწყობს.
იხილეთ ფოტოები:
სკოლების სიახლეები
