სამტრედიის N4 საჯარო სკოლაში პედაგოგები მოსწავლეებს მრავალმხრივი განვითარებისა და მოტივაციის ამაღლების მიზნით, საინტერესო პროექტებსა და აქტივობებს სთავაზობენ.
ამჯერად, სკოლის მე-7 1 კლასში პედაგოგმა - ნათელა ხონელიძემ პროექტი - „ვინც დამიცავს მე ვარ მისი დედამიწა“ განახორციელა. აღნიშნული პროექტი დედამიწის დღეს მიეძღვნა.
„პროექტის მთავარი მიზანი იყო ჯანსაღი გარემოს უზრუნველყოფა, მის გაუმჯობესებაზე ზრუნვა და მოსწავლეთა ცნობიერების ამაღლება“, - აღნიშნავენ სკოლაში.
როგორც სკოლაში გვეუბნებიან, მათ მასწავლებლის მითითებით შეასრულეს სხვადასხვა აქტივობა და მოამზადეს პრეზენტაციები.
მოსწავლეები პროექტში აქტიურად, ინტერესითა და მონდომებით ჩაერთნენ.
„პროექტი მეტად საინტერესო და შედეგზე ორიენტირებული იყო“, - გვიყვებიან სკოლაში.
მსგავსი აქტივობები და პროექტები სასწავლო პროცესში მოსწავლეთა ჩართულობას ზრდის.
იხილეთ ფოტოები:
