ნიკო მარის სახელობის დაბა ჩოხატაურის N1 საჯარო სკოლაში მოსწავლეთა ცნობიერების ამაღლებას მნიშვნელოვანი ყურადღება ექცევა. სწორედ ამიტომ, სკოლაში მათი ჩართულობით საინტერესო პრეზენტაციები და პროექტები იმართება.
ამჯერად, სკოლაში მე-11ა და მე-11ბ კლასების მოსწავლეებმა კონფერენცია თემაზე - „ბულინგი ჩვენს ცხოვრებაში“ ჩაატარეს.
როგორც სკოლაში გვიყვებიან, კონფერენციის მიზანი: საზოგადოებაში სოციალური ცნობიერების ამაღლება ბულინგის, როგორც აგრესიული ქმედების, მისი სახეების შესახებ; ჩაგვრის პრევენცია და ამ პრობლემის გადასაჭრელად ეფექტური გზების ძიება იყო.
კონფერენციაზე მოსწავლეებმა განიხილეს შემდეგი თემები:
- რა არის ბულინგი ;
- რა ფორმით შეიძლება იყოს ის გამოხატული ;
- რა არის ბულინგის გამომწვევი მიზეზები ;
- როგორ ვებრძოლოთ ბულინგს ;
- რამდენად აქტუალურია აღნიშნული თემა ;
- წიგნები, ფილმები ბულინგის შესახებ.
მოსწავლეებმა აღნიშნულ თემებზე საინტერესოდ იმსჯელეს და სკოლაში საინტერესო პრეზენტაციები წარადგინეს.
„მოსწავლეებმა საინტერესო პრეზენტაციებით დაასაბუთეს, რომ აუცილებელია ბავშვების გამოვლენილ ძალადობრივ ქმედებებზე ყურადღების გამახვილება და მისი ადრეულ ასაკშივე აღმოფხვრა,რათა ზრდასრულობაში მძაფრი გამოვლინება არ ჰპოვოს და ისეთი ფატალური შედეგით არ დასრულდეს,როგორიცაა - მოძალადედ ჩამოყალიბება.საზოგადოებამ ყოველთვის უნდა აღკვეთოს ბულინგის ნებისმიერი ფორმა და გადაჭრით თქვას - „არა ძალადობას !“, - აღნიშნავენ სკოლაში.
აღსანიშნავია, რომ მსგავსი პროექტები მოსწავლეთა მრავალხმრივ განვითარებას ხელს უწყობს და მათ მნიშვნელოვან საკითხების შესახებ საჭირო ცოდნას სძენს.
იხილეთ ფოტოები:
