განათლებისა და მეცნიერების მინისტრის ბრძანებით, საქართველოს ზოგადსაგანმანათლებლო დაწესებულებებში სასწავლო წელი 15 ივნისს დასრულდება.

პირველი და მეთორმეტე კლასის მოსწავლეები კი სწავლას უფრო ადრე დაამთავრებენ. პირველი კლასის მოსწავლეებისათვის სასწავლო წელი დასრულდება 2018 წლის 25 მაისს, ხოლო დამამთავრებელი კლასის მოსწავლეებისთვის - 18 მაისს. 

„საქართველოს ზოგადსაგანმანათლებლო დაწესებულებებში პირველი კლასის მოსწავლეებისათვის სასწავლო წელი დასრულდეს 27 მაისს, ხოლო დამამთავრებელი კლასის მოსწავლეებისთვის 20 მაისს. თუ აღნიშნული თარიღები ემთხვევა უქმე ან დასვენების დღეს, სასწავლო წელი პირველი კლასის მოსწავლეებისათვის დასრულდეს 27 მაისამდე ბოლო სამუშაო დღეს (ანუ 25 მაისს) , ხოლო დამამთავრებელი კლასის მოსწავლეებისთვის 20 მაისამდე ბოლო სამუშაო დღეს (ანუ 18 მაისს)“ - წერია განათლებისა და მეცნიერების მინისტრის ბრძანებაში.

შეგახსნებთ, რომ 2018-2019 სასწავლო წელი 17 სექტემბერს დაიწყება.